Бишкек, 30.03.26. /Кабар/. Шаршемби, 1-апрелде саат 09:00дөн 22:00гө чейин Бишкектин айрым аймактарында ичүүчү суу берүү токтотулат.
Муниципалитеттен билдиришкендей, суу "Кажысай" суу топтомосундагы жана шаардык түтүктөрдөгү пландуу оңдоо иштерине байланыштуу өчүрүлмөкчү.
Өчүрүү аймагы:
- Лермонтов көчөсү – Ауэзов көчөсү – Шабдан баатыр көчөсү – Көлбаев көчөсү, ЖЭБ–Токмок каналы;
- Аламүдүн кичи району, Куруучулар шаарчасы.
Бишкек мэриясы тургундарды жана мекемелерди ичүүчү сууну алдын ала камдап алууну суранат.
