Бишкек, 26.02.26. /Кабар/. "Бишкек жашыл курулуш" муниципалдык ишканасы 8-март - Эл аралык аялдар күнүнө карата жоогазындарга буйрутмаларды кабыл ала баштады.
Муниципалитеттен билдиришкендей, майрамга даярдык көрүү максатында ишкана жаңы кесилген жоогазындарды төмөнкү баада сатат:
- Дүң баасы: 100 же андан көп буйрутмалар үчүн бир даанасы 75 сом;
- Чекене баасы: 100гө чейинки буйрутмалар үчүн бир даанасы 85 сом.
Жоогазындар бардык агротехникалык талаптарга ылайык өстүрүлөт жана белгиленген сапат стандарттарына жооп берет.
Буйрутмалар Бишкек шаары, Ташкент көчөсү, 17 дареги боюнча кабыл алынат.
Кошумча маалымат жана кеңеш алуу үчүн +996 702 114 312 номерине чалыңыз.
