Бишкек, 12.11.25. /Кабар/. Бишкек шаарынын мэриясы борбор калаанын мектептеринде билим берүү процессинин токтотулушу тууралуу интернетте тараган маалыматтар чындыкка дал келбесин билдирди.
Муниципалитеттен маалыматына караганда, борбор калаадагы билим берүү мекемелеринде окуу-тарбиялоо процесси бекитилген окуу планына ылайык кадимки тартипте жүргүзүлүп жатат.
"Эч кандай сабактар, анын ичинде ийримдер жана кошумча сабактар кыскартылган же токтотулган эмес. №38 мектептин администрациясы менен түшүндүрүү иштери жүргүзүлдү", - деп айтылат маалыматта.
Бишкек шаарынын мэриясы шаар тургундарын ишенимдүү жана расмий булактарга гана кайрылууга, социалдык тармактардагы жалган же такталбаган маалыматтарга ишенбөөгө чакырат.
