Бишкек, 31.07.26. /Кабар/. Бишкек шаарында “Кытай – Шанхай кызматташтык уюмуна мүчө мамлекеттер” аттуу соода-экономикалык кызматташтык боюнча конференция болуп өттү. Бул тууралуу мэриядан билдиришти.
Маалыматка ылайык, иш-чара Кытайдын Шаньдун провинциясынын Коммерция департаменти тарабынан уюштурулду.
Конференциянын алкагында Бишкек шаарынын мэриясы менен Шаньдун провинциясынын Коммерция департаментинин ортосунда кызматташуу жөнүндө меморандумга кол коюлду.
Документ соода-экономикалык, инвестициялык жана өнөр жай тармактарындагы өз ара пайдалуу кызматташтыкты өнүктүрүүгө, ишканалардын ортосундагы ишкердик байланыштарды кеңейтүүгө, ошондой эле биргелешкен долбоорлорду ишке ашыруу үчүн шарттарды түзүүгө багытталган.
