Бишкек, 15.05.26. /Кабар/. Күн мурун Бишкек мэри Айбек Жунушалиев Биринчи май районунун тургундары менен жолугуп, ага 650дөн ашык адам катышты.
Муниципалитеттен билдиришкендей, жолугушуу саат 16:00дө башталып, 7 сааттан ашык убакытка созулду.
Жолугушууда тургундар жер мунапысы, канализация, коомдук транспорт, ичүүчү суу менен камсыздоо, коомдук транспорт каттамдарын иши, ошондой эле социалдык жана муниципалдык объектилерди куруу жана калыбына келтирүү сыяктуу маселелерди көтөрүштү.
Ар бир көтөрүлгөн маселе боюнча жеринде тиешелүү кызматтарга, муниципалдык мекемелердин жана профилдик ведомстволордун жетекчилерине тапшырмалар берилди.
Шаар мэри тургундардын көйгөйлөрүн ыкчам чечүүнүн зарылдыгына, ошондой эле ААРнын алкагында кошулган айылдар менен иштөөдө шаардык кызматтар тарабынан бюрократиялык мамилеге жана формалдуу жоопторго жол берилбеши керектигине өзгөчө көңүл бурду.
Мэр профилдик түзүмдөргө тургундардын кайрылууларын жолугушуу учурунда эле кабыл алып, ар бир түшкөн кайрылууга ыкчам чара көрүүнү тапшырды.
Эскерте кетсек, Ленин районунун тургундары менен жолугушуу 15-майда саат 16:00дө К. Карасаев атындагы Бишкек мамлекеттик университетинде өтөт. Дареги: Ч.Айтматов проспектиси, 24.
