Бишкек, 28.07.26 /Кабар/. VI Дүйнөлүк көчмөндөр оюндарынын алкагында уюштурулган "Биримдик кербени" 40 күндүк улуттук жүрүшүнүн Лейлек жана Баткен райондорунун өкүлдөрү (атчандар) Баткен шаарынан чыгып, Кадамжай районуна жол тартышты.
Президенттин Баткен облусундагы өкүлчүлүгүнөн билдиришкендей, аларды Баткен шаарындагы "Манас" комплексинен облус башчысынын орун басары Максатай Каримбердиева, Баткен районунун акими Данир Иманалиев, Баткен шаарынын мэри Сейтек Кулубаев баштаган жетекчилер, ошондой эле аксакалдар жана ак элечек энелер ак батасын берип узатышты.
