Бишкек, 30.09.26. /Кабар/. Илим жана билим берүү тармагындагы коррупциялык тобокелдиктерди азайтуу үчүн санариптик чечимдерди киргизүү маселеси талкууланды. Бул тууралуу бүгүн Илим, жогорку билим берүү жана инновациялар министрлигинде өткөн онлайн-брифингде айтылды.
Ведомствонун маалыматына караганда, иш-чарада министрликтин өкүлдөрү коррупциялык тобокелдиктерди алдын алуу жана мамлекеттик кызмат көрсөтүүлөрдүн ачыктыгын камсыз кылуу боюнча жүргүзүлүп жаткан иштер тууралуу маалымат беришти.
Белгиленгендей, санариптик чечимдерди колдонуу мамлекеттик кызматтарды көрсөтүүдө адам факторунун таасирин азайтып, процесстердин ачыктыгын жана ыкчамдыгын жогорулатууга, көзөмөл механизмдерин күчөтүүгө багытталган.
Министрлик санариптик технологияларды колдонуу жана мамлекеттик кызмат көрсөтүүлөрдүн сапатын жогорулатуу боюнча иштерди улантат.
