Бишкек, 24.04.26. /Кабар/. Өзгөчө кырдаалдар министрлиги 24-апрелде күтүлгөн аба ырайы тууралуу маалымат берди.
Ага ылайык, бүгүн Чүй, Ош, Ысык-Көл, Нарын облустарынын көпчүлүк аймактарында, Жалал-Абад облусунун айрым жерлеринде жаан жаап, күн күркүрөшү, бийик тоолуу райондорунда кар жаашы күтүлөт.
Ал эми Талас, Баткен облустарында жаан-чачын күтүлбөйт.
Бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши мүмкүн.
Абанын температурасы Чүй облусунда +19...+24, Талас облусунда +18...+23, Ош, Жалал-Абад, Баткен облустарында +21…+26, Ысык-Көл облусунда +14...+19, Нарын облусунда +13...+18 градус жылуу болот.
Бишкек менен Ошто жамгыр жаап, күн күркүрөйт. Абанын температурасы Бишкекте +20…+22, Ошто +24…+26 градуска жетет.
