Бишкек, 28.10.25. /Кабар/. Баткен облусунун Кадамжай районундагы мурдагы мунай затты кайра иштетүүчү жайда чыккан өрт саат 12:29да толук өчүрүлдү.
ӨКМдин Баткен облусу боюнча башкармалыгынын маалыматына караганда, тилсиз жоодон жабыркагандар болгон жок.
Өрттү өчүрүүгө жалпы 4 күжүрмөн эсеп тартылган. Алдын ала маалымат боюнча, өрттүн аянты болжол менен 150 чарчы метрди түзгөн.
Учурда өрттүн келип чыгуу себептери такталууда.
Белгилей кетсек, бүгүн эртең менен тилсиз жоо Ак-Турпак айыл аймагына караштуу Бүргөндү айылында мунай зат өндүрүүчү жайдан чыккан.
