Бишкек, 26.06.26. /Кабар/. Баткен шаарында катуу шамалдын кесепеттерин жоюу иштери уланууда.
Муниципалитеттен билдиришкендей, күн мурун катталган шамал айрым турак үйлөргө жана чарбалык курулуштарга зыян келтирген.
"Учурда жарандык коргонуу кызматкерлери жана тиешелүү мекемелер кырдаалды көзөмөлгө алып, калыбына келтирүү иштерин жүргүзүүдө", — деп айтылат маалыматта.
Мэр Сейтек Кулубаевдин буйругунун негизинде атайын комиссия түзүлүп, жабыркаган аймактарды жеринде текшерүүдөн өткөрүштү.
Комиссия мүчөлөрү келтирилген материалдык чыгымдардын көлөмүн эсептеп чыгышууда. Ошондой эле жарандардын коопсуздугун камсыз кылуу жана өзгөчө кырдаалдын кесепеттерин жоюу боюнча зарыл чаралар көрүлүүдө.
