Бишкек, 23.04.25. /Кабар/. Күн мурун президенттин Баткен облусундагы өкүлү Айбек Шаменов БУУнун Өнүктүрүү программасынын Кыргызстандагы туруктуу өкүлү Александра Соловьева менен жолукту.
Өкүлчүлүктөн билдиришкендей, жолугушуу учурунда ыйгарым укуктуу өкүл Баткен облусунун аймагында жүргүзүлүп жаткан ар кандай долбоорлорго БУУнун Өнүктүрүү программасы тарабынан көрсөтүлгөн колдоо үчүн ыраазылык билдирди.
Ошондой эле эки тараптуу кызматташтыкты арттыруу боюнча актуалдуу маселелер кеңири талкууланды. Анын ичинде жаштарга билим берүү, санариптештирүү, саламаттыкты сактоо, туризмди өнүктүрүү, айыл чарба тармагында инновациялар (мисалы, тамчылатып сугаруу системалары), климаттын өзгөрүшү жана калктуу пункттарды таза суу менен камсыз кылуу маселелерине өзгөчө көңүл бурулду.
Жолугушуу конструктивдүү жана өз ара түшүнүшүүдө өтүп, тараптардын ортосундагы кызматташтыкты активдүү улантуу макулдашылды.
