Бишкек, 23.06.26. /Кабар/. Алыкул Осмонов атындагы Улуттук китепканада кыргыз тилинде кыргыз мультфилимин өнүктүрүү, балдар арасында жайылтуу маселеси талкууланды.
Иш-чарада журналист, “AGART” студиянын жетекчиси Керим Айдаровдун кыргыз тилинде жасалма интелекттин жардамы менен тартылган “Билим булагы”, “Атасынын кызы”, “Адептүү балдар” анимациялык мультфильмдери көрсөтүлдү.
Белгилей кетсек, “Улуттук дем – дүйнөлүк бийиктик” уңгу жолунун алкагында тартылган кыргыз тилиндеги мультфильмдер көрсөтүлгөн соң, уңгу жолдун мааниси, билим берүү, жаш муундардын тарбиясы жана келечек максаттар тууралуу ачык баарлашуу өттү.
Иш-чарага мамлекеттик катчы Арслан Койчиев, мамлекеттик органдардын өкүлдөрү, министрликтин кызматкерлери жана маданият өкүлдөрү катышууда.
