Бишкек, 05.03.25. /Кабар/. 2025-жылдагы ажылык зыяратын уюштуруу алкагында документтерди визага даярдоо иштерди башталды. Бул тууралуу 2025-жылдагы ажылыкты уюштуруу штабынын жетекчиси муфтийдин орун басары Жолдошбек Абдылдаев билдирди.
Анын айтымында виза даярдоо иштерине старт берилди.
«Зыяратчылардын документациясын тыкыр текшерип, визага даярдоо иштерине старт берилди. Жараян негизинен 2 этаптан жүргүзүлөт. Алгач ажылардын делосу текшерилет. Андан соң визага даярдалат», – деди ал.
Абдылдаев өз сөзүндө ажылыкка кызмат кылуу өтө сооптуу жана жооптуу иш экенин белгилеп, ажылыкты уюштуруу иштери диний башкармалыкта бир нукка түшүп, системаланып калганын айтты.
Белгилей кетсек, быйыл кыргызстандыктар үчүн ажылыкка 6060 квота бөлүнгөн.
