Бишкек, 25.02.26 /Кабар/. Борбор калаадагы Аю Grand соода борборундагы унаа токтотуучу жай эми акылуу болот. Бул тууралуу Бишкек мэриясынан билдиришти.
Маалыматка ылайык, буга чейин аталган жерге коноктор унааларын акысыз токтотуп келишкен. Мындан ары ал саат 08:00дөн 20:00гө чейин акы төлөнүүчү муниципалдык унаа токтотмо катары иштейт.
Белгиленгендей, уруксат берилбеген жерлерге, анын ичинде дарыгерлердин, бейтаптардын жана студенттердин унаасы токтой турган жерлерге көптөн бери коюлуп турган унаалар айып короосуна жеткирилди.
«Аталган аймакта «Шаардык жол-транспорттук инфратүзүм» муниципалдык ишканасы түшүндүрүү иштерин жүргүзөт. Мамлекеттик каттоосу жок унаалардын токтоосуна уруксат берилбейт. Талапты бузган учурларда тиешелүү чаралар көрүлөт», — деп айтылат билдирүүдө.
