Бишкек, 19.10.26. /Кабар/. Транспорт жана коммуникациялар министри Талантбек Солтобаев Астанада ЕАЭБге мүчө мамлекеттердин транспорт тармагындагы ыйгарым укуктуу органдарынын жетекчилеринин кеңешинин 11-жыйынына катышты.
Ведомстводон билдиришкендей, жыйын "NEW SILK WAY" эл аралык транспорттук-логистикалык бизнес-форумунун алкагында өттү.
Анда эл аралык транспорттук коридорлорду өнүктүрүү, инфраструктуралык чектөөлөрдү жоюу жана ЕАЭБдин транзиттик потенциалын жогорулатуу маселелери талкууланды.
Солтобаев Кыргызстандын транспорттук коридорлордун жеткиликтүүлүгүн жогорулатуу, жүк ташуудагы тоскоолдуктарды азайтуу жана өлкөнүн транзиттик мүмкүнчүлүктөрүн өнүктүрүү багытында иштерди жүргүзүп жатканын белгиледи.
