Бишкек, 05.03.26. /Кабар/. Бүгүн Түндүк-Түштүк альтернативдик унаа жолунун Арал – Казарман участогунун 243-296-чакырым аралыгында тоодон таш кулап, жолдун бир тилкесин жаап калган. Бул тууралуу Транспорт жана коммуникациялар министрлигинен билдиришти.
Маалыматка ылайык, №18 Жол тейлөө ишканасы түшкөн таштарды тез арада тазалады. Учурда жол ачык. Каттам бар.
Ошондой эле Жумгал районунун Арал – Миң-Куш (3+500–4+600км) унаа жолунда дагы ушундай эле абал катталган.
Учурда №24 Жол тейлɵɵ ишканасы тарабынан техникалар тартылып, тазалоо иштери жүрүп жатат. Унаа кыймылы үчүн бир тараптуу каттам берилди.
