Бишкек, 28.06.26. /Кабар/. Бишкектеги Ала-Тоо аянтында улуттук искусствону сактоого жана жайылтууга багытталган жайкы маданий долбоордун алкагындагы кезектеги музыкалык кече болуп өттү. Бул тууралуу муниципалитеттен билдиришти.
Маалыматка ылайык, борбор калаа Ала-Тоо аянтында музыкалык кечелерди өткөрүү салтын ийгиликтүү улантууда. Алдыда ар жума жана ишемби күндөрү шаар тургундары жана коноктору ачык асман алдында өлкөнүн мыкты чыгармачыл топторунун жана белгилүү аткаруучулардын чыгармаларынан ырахат алууга мүмкүнчүлүк алышат.
Бул ирет музыкалык кечеде көрүүчүлөр үчүн өлкөнүн эстрада жылдыздары өздөрүнүн концерттик программасын тартуулашты. Артисттер белгилүү чыгармаларын аткарып, көрүүчүлөргө жылуу маанай, жаркын эмоция жана чыныгы музыкалык майрам тартуулашты. Концертке көптөгөн шаар тургундары жана борбор калаанын коноктору келип, ар бир номерди өзгөчө жылуу кабыл алышты.
