Бишкек, 18.12.25. /Кабар/. Түркиянын Анкара шаарында түрк мамлекеттеринин жалган маалымат таратууга каршы күрөшүү форуму башталды.
Иш-чара эки күнгө созулат.
Форум Түркиянын президентинин администрациясынын Коммуникацияларды башкаруу башкармалыгы тарабынан уюштурулуп жатат.
Иш-чара түрк дүйнөсүндө маалыматтык коопсуздукту чыңдоого, жалган маалыматтарга каршы күрөшүүнүн биргелешкен ыкмаларын иштеп чыгууга жана медиа чөйрөсүндөгү кызматташтыкты кеңейтүүгө арналган.
Эл аралык форумда Азербайжан, Казакстан, Кыргызстан, Өзбекстан, Венгрия, Түркмөнстан жана Түндүк Кипр катышууда.
