Бишкек, 22.09.26. /Кабар/. Панфилов районундагы Каптал-Арык айылында эл аралык "Алыкул фест" поэзия фестивалынын жыйынтыктоочу этабы өттү.
Маданият, маалымат жана жаштар саясаты министрлигинен билдиришкендей, иш-чарага Казакстан, Өзбекстан, Тажикстан жана Кытайдан илим, адабият жана искусство өкүлдөрү, ошондой эле акын-жазуучулар, жаш калемгерлер жана адабият сүйүүчүлөрү катышты.
Фестивалдын алкагында китеп көргөзмөсү, кол өнөрчүлүк жарманкеси уюштурулуп, катышуучулар Алыкул Осмоновдун мемориалдык музейи менен таанышты.
Поэзия сынагынын жыйынтыгында:
- баш байгени Нурлан Камчыбеков;
- I орунду Нурзада Макеева;
- II орунду Айгүл Жамангалова;
- III орунду Махабат Молдалиева алды.
Иш-чара М. Рыскулов атындагы Нарын облустук академиялык музыкалык драма театрынын "Өлбөстүккө ода" спектакли менен жыйынтыкталды.
