Бишкек, 14.07.26. /Кабар/. Бүгүн Жогорку Кеңештин төрагасы Марлен Маматалиев Алай районуна болгон иш сапарынын алкагында Гүлчө шаарынын тургундары менен жолукту.
Президенттин Ош облусундагы өкүлчүлүгүнөн билдиришкендей, жолугушууда жергиликтүү калктын жашоо-тиричилигине байланыштуу актуалдуу маселелер талкууланды. Төрага жарандардын суроолоруна кеңири жооп берип, аймактын социалдык-экономикалык өнүгүүсүнө багытталган демилгелерди колдоого даяр экендигин билдирди.
Ал ошондой эле калктын жашоо шарттарын жакшыртуу жана аймактагы көйгөйлөрдү чечүү боюнча алдыда аткарыла турган иш-чаралар тууралуу маалымат берди.
Иш-чарага президенттин өкүлү Аманкан Кенжебаев, Жогорку Кеңештин депутаттары Улан Примов, Таалай Сарыбашов, Б. Эргешов, Н. Төрөбекова, ошондой эле облустук жана райондук мамлекеттик администрациялардын жетекчилери, жергиликтүү өз алдынча башкаруу органдарынын өкүлдөрү жана Гүлчө шаарынын тургундары катышты.
