Бишкек, 12.11.26. /Кабар/. Баткен облусунун Ак-Татыр айылында сел коркунучунун алдын алуу максатында сел өтүүчү сайдын эки жээгин бекемдөө иштери жүрүүдө. Бул тууралуу президенттин аймактагы өкүлчүлүгү билдирди.
Долбоорго ылайык, жалпы узундугу 2 542 метрди түзгөн тирөөч дубалдар курулат. Учурда анын 350 метри бүткөрүлдү.
Курулуш иштерин Өзгөчө кырдаалдар министрлигине караштуу ”Баткен көчмө механизациялаштырылган отряды” мамлекеттик ишканасы жүргүзүүдө. Иштерди 2026-жылдын 25-декабрына чейин аяктоо пландалган.
