Бишкек, 14.10.26. /Кабар/. Баткенде "Бир айыл – бир продукт" долбоорунун алкагында продукцияларды иштеп чыгуу жана окутуу борбору ачылды.
Президенттин аймактагы өкүлчүлүгүнөн билдиришкендей, борбор Жусуп Баласагын атындагы Кыргыз улуттук университетинин Баткен аймактык көп тармактуу институтунун базасында түзүлдү.
Борбор жергиликтүү өндүрүүчүлөрдү окутууга, продукциянын сапатын жакшыртууга жана жаңы товарларды иштеп чыгууга багытталган. Ага зарыл жабдуулар БУУнун Дүйнөлүк азык-түлүк программасынын колдоосу менен берилди.
Демилге жергиликтүү ишкерлердин өндүрүштүк мүмкүнчүлүктөрүн кеңейтүүгө жана атаандаштыкка жөндөмдүү продукцияларды чыгарууга көмөктөшөт.
