Бишкек, 28.03.25. /Кабар/. Аксы районуна караштуу Нарын айылында Р.Батырбеков атындагы оорукананын Терапия жана жугуштуу оорулар бөлүмүнүн имаратынын ачылыш аземи болду. Бул тууралуу Курулуш, архитектура жана турак жай-коммуналдык чарба министрлигинен билдиришти.
Салтанаттуу иш-чарага Жогорку Кеңештин төрагасы Нурланбек Тургунбек уулу, курулуш министринин орун басары Талант Иманакун уулу, президенттин Жалал-Абад облусундагы өкүлү Тилек Текебаев жана жергиликтүү тургундар катышты.
Оорукананын Терапия жана жугуштуу оорулар бөлүмүнүн имараты толук капиталдык оңдоп-түзөөдөн өткөрүлүп, республикалык бюджеттин эсебинен 37,2 млн сом каржыланган. Долбоордун алкагында ооруканын чатыры, терезелер, электр жана жылытуу системалары алмаштырылды.
Ошондой эле экинчи кабатка керамикалык плита төшөлүп ички жасалгалоо жумуштары аткарылып, сырткы фасад жаңыртылды.
