Бишкек, 09.11.26. /Кабар/. Аксы районунда кыргыз элинин залкар комузчусу Ныязалы Борош уулунун 170 жылдык мааракеси белгиленди. Бул тууралуу президенттин Жалал-Абад облусундагы өкүлчүлүгүнөн билдиришти.
Иш-чарага президенттин өкүлү Тилек Текебаев, Жогорку Кеңештин депутаттары, жергиликтүү бийлик өкүлдөрү, маданият кызматкерлери жана район тургундары катышты.
Мааракеде Ныязалы Борош уулунун кыргыздын музыкалык маданиятындагы орду белгиленип, анын чыгармачылыгы улуттук мурастын маанилүү бөлүгү экени айтылды.
Иш-чаранын алкагында төкмө акындардын айтышы, «Акак» комузчулар ансамблинин жана жергиликтүү өнөрпоздордун концерттик программасы тартууланды.
Белгилей кетсек, Ныязалы Борош уулу 1856-жылы Аксы районунун Ак-Жол айылында туулган. Ал комузду 15 жашынан тартып чертип, өзүнүн аткаруучулук чеберчилиги менен элге таанылган залкар комузчу, ырчы жана элдик күүлөрдүн чебери болгон.
