Бишкек, 12.02.26. /Кабар/. Өзгөчө кырдаалдар министрлиги өлкө аймагындагы кар көчкү коркунучуна байланыштуу шашылыш билдирүү таратты.
Маалыматка караганда, 11-февралдан 13-февралга чейин күтүлүп жаткан жаан-чачынга байланыштуу Кыргызстандын тоолуу райондорунда жана төмөнкү унаа жолдорунда кар көчкү түшүүсү, ошондой эле кар күрткүсү күтүлөт:
- Бишкек – Ош: Төө-Ашуу, Ала-Бел ашуулары жана Чычкан капчыгайы;
- Суусамыр – Талас – Тараз: Өтмөк ашуусу;
- Мырза-Аке – Кара-Кулжа – Алайкуу: 55–115-чакырымдар аралыгы;
- Ала-Бука – Каныш-Кыя: Чапчыма ашуусу;
- Красная-Горка – Акташ: 0–3-чакырымдар аралыгы;
- Сары-Таш – Дароот-Коргон – Карамык: 97–98-чакырымдар аралыгы;
- Бишкек – Нарын – Торугарт: Долон ашуусу;
- Арал – Миң-Куш: 1–14-чакырымдар аралыгы;
- Балыкчы – Казарман – Жалал-Абад: Көк-Арт ашуусу;
- Каракол – Эңилчек: Чоң-Ашуу ашуусу.
Жолдор тайгак болуп, тайгак болот. Айдоочулар коопсуздук үчүн унаалардын ортосундагы 500 метр аралыкты так сактоосу зарыл.
