Бишкек, 06.03.26. /Кабар/. "Аэро Номад Эйрлайнс" авиакомпаниясы тарабынан аткарылган Оман Султанаты мамлекетинен эвакуациялык каттам Кыргызстанга ийгиликтүү келди.
Аба кемеси 5-марттан 6-мартка караган түнү жергиликтүү убакыт боюнча саат 02:45те "Манас" эл аралык аэропортуна конду.
Каттам Кыргызстандын Тышкы иштер министрлиги, Жарандык авиация мамлекеттик агенттиги жана "Кыргызстандын аэропорттору" ААК менен өз ара аракеттенүүдө ишке ашырылды.
Каттамды даярдоо жана аткаруу учурунда авиакомпания Тышкы иштер министрлиги, аэропорт кызматтары жана тиешелүү ведомстволор менен туруктуу координацияда болду.
