Бишкек, 24.02.25. /Кабар/. Кыргызстандын министрлер кабинетинин төрагасы Адылбек Касымалиев расмий сапары менен Казакстанга келди.
Минкаб төрагасынын борту Астана шаарынын эл аралык аэропортуна конду.
Адылбек Касымалиевди Казакстандын премьер-министри Олжас Бектенов тосуп алды.
Аэропортто эки мамлекеттин желектери илинип, ошондой эле ардакдуу кароол тизилген.
Расмий сапарынын жүрүшүндө Адылбек Касымалиев Казакстандын президенти Касым-Жомарт Токаев, ошондой эле Казакстандын премьер-министри Олжас Бектенов менен жолугат.
Мындан тышкары, бир катар объекттердин ишмердүүлүгү менен таанышып сүйлөшүүлөрдү жүргүзөт.
Белгилей кетсек, Адылбек Касымалиевдин министрлер кабинетинин төрагасы болуп дайылдалгандан бери чет мамлекетке биринчи расмий сапары.
