Бишкек, 11.11.26. /Кабар/. Бүгүн “Ачык кабинет: жоопкерчилик аймагы” медиадолбоорунун алкагында “Кыргызстан аэропорттору” ААК башкармалыгынын башчысы Манасбек Самидиновдун журналисттердин коштоосундагы бир иш күнү өттү.
Анда башчы алгач ЖМК өкүлдөрүнө “Манас” эл аралык аэропортунда жүргүзүлүп жаткан модернизация жөнүндө айтып берди. Андан соң Манас шаарына барып, жаңы курулуп жаткан Жалал-Абад эл аралык аэропортунун аэровокзалы жана учуп-конуу тилкесиндеги курулуш иштери менен тааныштырды. Манас шаарынан кийин Ош облусуна барып, Ош эл аралык аэропортунун жаңы аэровокзалынын курулушу жана учуп-конуу тилкесин жаңылоо багытында жүргүзүлүп жаткан иштерди көрсөттү.
Иш сапардын жүрүшүндө Самидинов компания ишке ашырып жаткан ири долбоорлор, аймактык аэропортторду өнүктүрүү, алдыда курула турган объектилер жана келечектеги пландар тууралуу маалымат берди.
