Бишкек, 12.02.26. /Кабар/. Бишкектеги 7-Апрель көчөсүнүн Медеров жана Ахунбаев көчөлөрүнүн ортосундагы тилкесинде жылуулук тармагында авария катталды. Бул тууралуу мэриядан билдиришти.
Учурда "Бишкек жылуулук тармагы" муниципалдык ишканасы тарабынан оңдоо-калыбына келтирүү иштери жүргүзүлүүдө.
"Авария түтүктөр эскиргендиктен келип чыккан. Мында жылуулук түтүктөрү 1974-1986-жылдары курулган. Оңдоо иштеринин жүрүшүндө шаардын түштүк бөлүгүндө жылуулук энергиясын берүү убактылуу чектелиши мүмкүн", - деп айтылат маалыматта.
Ишкана туруктуу жылуулук менен камсыздоону калыбына келтирүү үчүн зарыл чараларды көрүүдө.
