Бишкек, 15.06.26. /Кабар/. Кыргызгидромет кызматы бүгүн, 15-июнга карата күтүлгөн аба ырайы тууралуу маалымат таратты.
Ага ылайык, бүгүн өлкөнүн айрым аймактарында өткүн өтүп, күн күркүрөп, бийик тоолуу райондорунда кар жаайт.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүй, Ош, Жалал-Абад, Баткен облустарында +33...+38, Талас облусунда +29...+34, Ысык-Көл, Нарын облусунда +24...+29 градус болот.
Ал эми Бишкек шаарында абанын температурасы +35...+37 градуска чейин жогорулайт.
