Бишкек, 09.10.25. /Кабар/. Мугалимдердин кесиптик майрамына карата президенттин Ысык-Көл облусундагы өкүлү Бакытбек Жетигенов билим берүү тармагындагы мыкты педагогдорго акчалай сыйлыктарды тапшырды.
Өкүлчүлүктөн “Кабар” агенттигине маалымдашкандай, иш-чара мугалимдердин коомдогу ордун даңазалоо, алардын талыкпаган эмгегине баа берүү жана кесиптик мотивацияны күчөтүү максатын көздөйт.
Сыйлыктардын өлчөмү:
Баш байге - 1 млн сом;
- 1-орун: 3 мугалим, ар бирине 300 000 сом
- 2-орун: 3 мугалим, ар бирине 200 000 сом
- 3-орун: 1 мугалим, 100 000 сом.
1 млн сомдук акчалай сыйлык Түп районундагы Качкын Үмүталиев атындагы мектептин кыргыз тили жана адабияты мугалими Элзат Асановага ыйгарылды.
1-орун ээлегендер:
- Чынасылова Айнура - Ысык-Көл районундагы А.С. Пушкин атындагы мектептин көркөм сүрөт мугалими;
- Кыдыров Асылбек - Түп районундагы Жакшылык Асаналиев атындагы мектептин дене тарбия мугалими;
- Урпалыев Кубанычбек - Тоң районундагы Муканбет Мамбетов атындагы мектептин музыка мугалими.
2-орун:
- Талантова Айкерим, Түп районундагы Мукай Элебаев атындагы мектептин мугалими;
- Үмөтбекова Гулжан, Каракол шаарындагы №16 бала бакчанын тарбиячысы.
3-орунду Ак-Суу районундагы Осмон Элебесов атындагы мектептин мугалими Самат Бектенов ээледи.
Мындан тышкары, дагы 9 мугалимге “Эмгек каарманы” наамы тапшырылып, алардын көп жылдык эмгеги жана билим берүү тармагына кошкон салымы белгиленди.
Облус жетекчиси Бакытбек Жетигенов ар бир мугалимге ыраазычылык билдирип, алар билимдүү муун-күчтүү мамлекеттин пайдубалы экенин, мугалимдердин эмгеги - өлкөнүн келечегине чоң салым болорун белгиледи.
