Бишкек, 18.07.25. /Кабар/. "Өндүрүштүк-инновациялык борбор" мамлекеттик мекемеси жыл башынан июль айына чейин 5 миң 881 даана жол белги өндүрдү.
Транспорт жана коммуникациялар министрлигинен билдиришкендей, жол белгиден тышкары 10 миң даана катафот, полимердик-порошок боёкту колдонуу менен 7 миң 500 метр мамы сырдалып, даярдалды.
“Өндүрүштүк-инновациялык борбор” мамлекеттик мекемеси тарабынан Жол тейлөө ишканаларына келишимдин негизинде керектүү жол белгилер берилүүдө.
Учурда бир катар Жол тейлөө ишканалары тарабынан эски жол белгилер алынып, жаңы жол белгилер орнотулуп жатат.
