Бишкекте 16 жерге коомдук даараткана куруу пландалууда – даректер

Бишкек, 10.11.26 /Кабар/. Бишкекте коомдук дааратканаларды жайгаштыруу үчүн 16 жер тилкеси кайрадан аукционго коюлду. Бул тууралуу мэриядан билдиришти.

Маалыматка ылайык, аукцион "2026-2030-жылдарга Бишкек шаарында коомдук санитардык объектилерди өнүктүрүү" муниципалдык программасынын алкагында уюштурулууда.

Демилге муниципалдык жер тилкелерин натыйжалуу пайдаланууга жана шаардык инфраструктураны өнүктүрүүгө багытталган.

Аукционго чыгарылган жер тилкелери төмөнкү даректерде жайгашкан:

1. И.Айдарбеков атындагы бульвар менен Чокморов көчөсүнүн кесилиши;
2. Чокморов жана Шевченко көчөлөрүнүн кесилиши;
3. Кочкор жана Тыныбеков көчөлөрүнүн кесилиши ("Люкс" сквери);
4. Муромская жана Айни көчөлөрүнүн кесилиши (№4 шаардык клиникалык оорукананын жанындагы сквер);
5. Айни көчөсү, 209 (Осмонов көчөсү менен кесилишкен жердеги жаңы парк);
6. Камчатская көчөсү №1 үйдүн маңдайы;
7. Садырбаев көчөсүндөгү "Сакалдуу" багы;
8. Бакаев жана Айни көчөлөрүнүн кесилиши (мурдагы Островский көчөсү, 141);
9. Анкара жана Виноградная көчөлөрүнүн кесилиши (этносквер);
10. "Кыргызстандын 40 жылдыгы" атындагы парктын аймагы (Фере жана Дзержинский көчөлөрүнүн кесилиши);
11. "Кожзавод" районундагы парктын аймагы;
12. Профсоюз жана П. Лумумба көчөлөрүнүн кесилиши;
13. Турусбеков жана Фрунзе көчөлөрүнүн кесилиши;
14. Раззаков көчөсүндөгү "Эмгек даңкы" паркы;
15. Абдрахманов жана Саманчин көчөлөрүнүн кесилиши;
16. Раззаков жана Түгөлбай-Ата көчөлөрүнүн кесилиши.

Аукцион 2026-жылдын 5-ноябрынан 5-декабрына чейин өткөрүлөт.

Мэрия бардык кызыкдар ишкерлерди ачык аукционго катышууга чакырат.