Бишкек, 11.07.25. /Кабар/. Жыл башынан бери өлкө аймагында 595 миң 610 жол эрежесин бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгынын 2025-жылдын 6 айындагы ишмердүүлүгүнүн жыйынтыгын чыгарган жыйында айтылды.
Анын ичинде:
- мас абалында унаа башкарган – 8 112 айдоочу;
- ылдамдыкты ашырып айдаган – 93 миң 365 айдоочу;
- терезелерин мыйзамсыз караңгылаткан – 3 649 айдоочу;
- тийиштүү документтери жок унаа башкарган – 21 162 айдоочу;
- автоээнбаштык жасаган – 541 айдоочу;
- жол белгилерине баш ийбеген – 291 179 айдоочу;
Ошондой эле ар кандай жол эрежелерин бузгандыгы үчүн 81 миң 479 унаа убактылуу айып короо жайына токтотулганы айтылды.
