Бишкек, 02.10.25. /Кабар/. Нарын облусунун Жумгал районуна караштуу Байзак айылында жалпы наркы 94 миллион сомду түзгөн жаңы бала бакча жакынкы күндөрү пайдаланууга берилет.
Курулуш министрлигинен билдиришкендей, жалпы аянты 1330 чарчы метрди түзгөн эки кабаттуу имарат 120 орунга ылайыкталып, заманбап жабдуулар менен камсыздалды.
Долбоор Турак жай-жарандык курулуш департаменти тарабынан ишке ашырылып, республикалык бюджеттин эсебинен каржыланды.
