Бишкек, 17.03.25. /Кабар/. Бишкекте айрым автобустардын кыймыл схемалары өзгөрөт. Бул тууралуу муниципалитеттен кабарлашты.
Маалыматта белгиленгендей, борбор калаада Ч. Айтматов проспектисинин Семетей көчөсүнөн А. Масалиев көчөсүнө чейинки бөлүгү жабылгандыгына байланыштуу №55, №56 жана №8 автобустун кыймыл схемалары өзгөртүлдү.
№55 автобусунун кыймыл багыты төмөнкүдөй өзгөртүлдү:
Д. Садырбаев көчөсү – А. Масалиев көчөсү – Тыналиев көчөсү – И. Ахунбаев көчөсү;
№8 автобустун кыймыл багыты:
И. Ахунбаев көчөсү – Тыналиев көчөсү – А. Масалиев көчөсү – Д. Садырбаев көчөсү;
Ал эми №56 автобусу А. Масалиев жана Д. Садырбаев көчөлөрү аркылуу жүрөт.
Мэрия шаар тургундарын жана айдоочуларды келтирилген убактылуу ыңгайсыздыктарга түшүнүү менен мамиле кылууну өтүнөт. Жол тыгындарын болтурбоо үчүн алдын ала жол каттамын пландап, жеке унаанын ордуна коомдук транспортту пайдалануу сунушталат.
