Бишкек, 23.05.25 /Кабар/. Бишкек шаарында Жол кыймылынын жаш тескөөчүлөрүнүн республикалык кароо-сынагы өтүүдө.
Жол кыймылынын коопсуздугун камсыздоо башкы башкармалыгынын басма сөз кызматынан маалымдашкандай, сынакта өлкө аймагындагы мектеп окуучуларынан түзүлгөн “Жоламан” , “Светофор”, “Ак-Жол”, “Жол чырак”, “Перекресток”, “Шумкар”, “Веселые регулировщики”, Жезл”, жана “Светофор” аталышындагы 9 команда ат салышууда.
Республикалык кароо-сынакты ИИМдин Жол кыймылынын коопсуздугун камсыздоо башкы башкармалыгынын башчысы Жеңишбек Жоробеков ачты. Ал бардык катышуучуларга ийгиликтерди каалап, бул кароо-сынактын өткөрүлүүсү өспүрүмдөр арасында жол кырсыктарынын алдын алууда үгүт-насаат иштеринин жүргүзүлүүсүнө өбөлгө болорун белгиледи.
