Бишкек, 14.11.26. /Кабар/. Бишкектеги Манас көчөсүнө бир жолку жашылдандыруу акциясынын алкагында 6 миң түп дарак отургузулду.
Муниципалитеттен билдиришкендей, иш-чарага шаар мэри Айбек Жунушалиев, Жогорку Кеңештин депутаттары жана шаар тургундары катышты.
Отургузулган көчөттөрдүн 5 миң 263ү гибрид терек, 700ү тал жана 37си алма дарагы. Алардын бийиктиги 3 метрден 6 метрге чейин жетет.
Мэрдин айтымында, көчөттөр Бишкектеги муниципалдык питомникте өстүрүлгөн. Аларды сугаруу үчүн автоматтык система да орнотулду.
Белгилей кетсек, жыл аягына чейин борбор калаада отургузулган дарактардын санын 30 миңге жеткирүү пландалууда.
