Бишкек, 27.01.25. /Кабар/. Жогорку Кеңештин депутаттары Улугбек Ормонов, Бактыбек Сыдыков Беларусь Республикасына болгон иш сапарынын алкагында Минск шаарындагы хирургия, трансплантология жана гематология илимий-практикалык борборунда болушту.
Парламенттен билдиришкендей, эл өкүлдөрү аталган мекеменин иши менен таанышып, илимий жетишкендиктер жана медициналык технологиялар тууралуу маалымат алышты.
"Жолугушуунун жүрүшүндө тараптар тажрыйба алмашуу, хирургия жана трансплантология боюнча медициналык адистердин квалификациясын жогорулатуу жана кайра даярдоо жаатында кызматташуу маселелерин талкуулашты",-деп айтылат маалыматта.
