Бишкек, 27.11.25. /Кабар/. ЖККУга мүчө мамлекеттердин башчыларын “Ынтымак Ордо” имаратында президент Садыр Жапаров тосуп алды.
Жамааттык коопсуздук келишим уюмунун Жамааттык коопсуздук кеңешинин жыйынына катышуу үчүн уюмга мүчө-мамлекеттердин башчылары – Беларусь президенти Александр Лукашенко, Казакстан президенти Касым-Жомарт Токаев, Россия президенти Владимир Путин жана Тажикстан президенти Эмомали Рахмон келишти.
Жамааттык коопсуздук кеңешинин бүгүнкү жыйыны Кыргызстандын төрагалыгы алдында өтмөкчү.
Эскерте кетсек, кечээ, 26-ноябрда ЖККУга мүчө мамлекеттердин башчылары Кыргызстанга келген.
