Бишкек, 16.09.25. /Кабар/. Жети-Өгүздө жеке менчикке өтүп кеткен жер тилкелер мамлекетке кайтарылды. Бул тууралуу Башкы прокуратурадан билдиришти.
Маалыматка ылайык, Жети-Өгүз райондук прокуратурасы тарабынан жүргүзүлгөн текшерүүдө Кызыл-Суу айыл өкмөтүнө караштуу жалпы 6 га айыл чарба багытындагы жер тилкелер 2004-2008-жылдар аралыгында жеке жактардын менчигине мыйзамсыз өтүп кеткендиги аныкталган.
Көрүлгөн чаралардын натыйжасында базар баасы 12,7 млн сомду түзгөн жер тилкелер мамлекетке кайтарылды.
