Бишкек, 03.11.25. /Кабар/. Ысык-Көл облусунун Жети-Өгүз районуна караштуу Ак-Кочкор айылындагы мектепке 150 орундуу кошумча корпустун курулушу кызуу уланып жатат.
Курулуш министрлигинен билдиришкендей, башкы план боюнча эки кабаттан турган окуу корпусу спорт залы менен курулду.
Курулуш иштери республикалык бюджеттен каржыланып, объекттин наркы 79 млн сомду түзөт.
Кошумча корпустун курулушу 2024-жылы башталган, азыркы тапта жумуштардын 75 пайызы аткарылды.
