Бишкек, 31.12.25. /Кабар/. Жети-Өгүздө 8 гектар жер тилкеси мамлекетке кайтарылды. Бул тууралуу Башкы прокуратурадан билдиришти.
Райондук прокуратурасы тарабынан Кыргызстандын жер мыйзамдарынын аткарылышы жана сакталышы боюнча текшерүү жүргүзүлгөн. Натыйжада 2008-жылы Жети-Өгүз районуна караштуу Кызыл-Суу айыл өкмөтүндө жалпы 8 га айыл чарба багытындагы жер тилкелери жеке жактардын менчигине мыйзамсыз түрдө өтүп кеткендиги аныкталган.
Текшерүүнүн жыйынтыгында райондун прокуратурасы тарабынан көрүлгөн чаралардын негизинде баасы 7 млн 815 миң сомду түзгөн айыл чарба багытындагы жер тилкелери мамлекетке кайтарылды.
