Бишкек, 02.09.25. /Кабар/. Жети-Өгүз районуна караштуу Саруу айылында Ж.Чабалдаев атындагы жаңы мектептин курулушу жүрүп жатат. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, курулуш-монтаждоо иштери 2024-жылы республикалык бюджеттин эсебинен башталган. Учурда иштердин 65 пайызы аткарылды.
Долбоор боюнча билим уясы үч блоктон туруп, 500 окуучу орунга ылайыкталат. Эки кабаттуу окуу корпусу жана спорт залы менен курулууда.
Курулуш иштери Турак жай-жарандык курулуш департаментинин көзөмөлүндө.
