Бишкек, 13.07.26. /Кабар/. Июнда 90 курулуш объектисине техникалык корутунду берилди.
Курулуш министрлигинен билдиришкендей, Жер титирөөгө туруктуу курулуш жана инженердик долбоорлоо мамлекеттик институту 2026-жылдын июнь айында өлкө боюнча 90 курулуш объектисине техникалык корутунду берди.
Техникалык корутундулар курулуш объектилеринин сейсмикалык туруктуулугун баалоо жана долбоордук чечимдердин коопсуздук талаптарына, ошондой эле колдонуудагы техникалык ченемдерге шайкештигин аныктоо максатында даярдалган. Изилдөө жана баалоо иштеринин алкагында социалдык инфраструктура объектилерин кошкондо ар түрдүү багыттагы курулуштар текшерилген.
Техникалык корутунду даярдоодо институттун адистери имараттардын техникалык абалын баалап, аларды реконструкциялоо же мындан ары пайдалануу мүмкүнчүлүгү боюнча тиешелүү жыйынтыктарды чыгарышат.
