Бишкек, 15.10.25 /Кабар/. Тышкы иштер министри Жээнбек Кулубаев 15-16-октябрда премьер-министрдин орун басары, тышкы жана европалык иштер министри Таня Файондун чакыруусу менен Словенияга расмий сапар менен барат.
Ведомстводон маалымдашкандай, сапардын алкагында тышкы саясат ведомстволорунун башчылары кыргыз-словения эки тараптуу кызматташтыгынын актуалдуу маселелерин жана эл аралык уюмдардын алкагындагы кызматташууну талкуулоо үчүн сүйлөшүүлөрдү өткөрөт.
Мындан тышкары, бир катар эки тараптуу документтерге кол коюу пландалууда.
