Бишкек, 01.07.26. /Кабар/. Бүгүн тышкы иштер министри Жээнбек Кулубаев Түркияга жасаган расмий сапарынын алкагында Мустафа Кемал Ататүрктүн мавзолейин, ошондой эле Ататүрк жана Көз карандысыздык согушу музейин камтыган "Аныткабир" мемориалдык комплексине барды.
Ведомствонун маалыматына караганда, ал заманбап түрк мамлекетинин негиздөөчүсү Мустафа Кемал Ататүрктүн күмбөзүнө гүлчамбар коюп, анын элесин бир мүнөт унчукпай туруп эскерди.
Иш сапардын жүрүшүндө Кулубаев мемориалдык комплекстин Ардактуу коноктор китебине эстелик жазуу калтырды.
Мындан тышкары, министр Түркиянын калыптануусунун негизги этаптарын жана Мустафа Кемал Ататүрктүн өмүр жолун чагылдырган музейдин экспозициясы менен таанышты.
