Бишкек, 20.03.25. /Кабар/. «Бишкек жашыл курулуш» муниципалдык ишканасынын кызматкерлери бактарды санитардык бутоо иштерин жүргүзүүдө.
Ишкананын кызматкери билдиргендей, санитардык бутоо профилактикалык максатты көздөйт.
«Куураган бутактар жөө адамдарга, токтоп турган унааларга жана коммуникацияларга коркунуч жаратат. Бутактарды кыркуу процесси бактарга абдан керектүү процесс. Мисалы, эгер дарак кандайдыр бир оору менен жабыркаса, же анда курт-кумурскалардын уялары бар болсо, бутоо менен аны бардык коркунучтуу дарттан арылтуу мүмкүн. Бутаганда азыктандыруучу заттардын келип түшүшүнө байланыштуу бутактардын өрчүшүнө ыңгайлуу шарттар түзүлөт», - деп кошумчалады ал.
