Бишкек, 25.07.25. /Кабар/. Борбор калаадагы Чыңгыз Айтматов проспектисинин Абсамат Масалиев проспектисинен Семетей көчөсүнө чейинки бөлүгү оңдоп-түзөөдөн өттү.
Жаңыланган бөлүктүн жалпы узундугу 3 чакырымды түзүп, алты тилкеге чейин кеңейтилди. Ар бир тилкенин туурасы 4 метрге чейин жетет.
Мындан тышкары, жөө жана велосипед менен жүрүүчү жүргүнчүлөр үчүн коопсуз жана ыңгайлуу жолдор да салынды. Көчөнүн эки тарабында кеңейтилип жасалган тротуарлар жана веложолдор экологиялык таза транспорттун өнүгүшүнө шарт түзүп, шаардыктардын активдүү жашоо образын колдоого багытталган.
Проспектти көрктөндүрүү иштеринин алкагында ондогон бак-дарактар жана кооз декоративдик өсүмдүктөр отургузулуп, автоматтык сугат системасы орнотулган.
Жолдун жүрүүчү бөлүгү, тротуарлар жана веложолдор заманбап архитектуралык жарыктандыруу менен камсыздалган. Бул, айрыкча, түнкү убакта шаар тургундары үчүн өзгөчө мааниге ээ.
