Бишкек, 16.09.25 /Кабар/. Бишкектеги Лев Толстой көчөсүнүн Ибраимов көчөсүнөн К.Акиев көчөсүнө чейинки бөлүгү оңдоп-түзөөдөн кийин 15-сентябрда кайрадан пайдаланууга берилди.
Мэриядан билдиришкендей, жалпы узундугу 3,2 чакырым болгон бул жол тилкесинде төмөнкү иштер аткарылды:
- Эки катмар жаңы асфальт төшөлдү;
- Жаңы жол белгилери орнотулду;
- Жол сызыктары жана разметкалар жаңыланды;
- Жол боюндагы бордюрлар алмаштырылды.
Мындан тышкары, оңдолгон көчөлөрдүн айрым кесилиштеринде унаа тыгындарын азайтуу максатында кошумча жол тилкелери (чийиндер) кошулду.
